كنت درت واحد لانونص تاع خدمة،عيطت لي واحد الشركة قالولي
شفناك كاتقلب على خدمة وحاط تصاور فلاجونكيرا والخزيرات..
قلت ليهم اه ماخليت فين مشيت (ونا بيني وبينكم عير كنت نسرق التصاور من الفايس ديال واحد الشيفور ونلوح عدي فلاباج)
المهم
قالولي كاين فريكو مشارجي واقفين على شيفور يطلع لامستردام
غير سمعت امستردام شعري وقف
قلت لو الله الخاوة ما قلتي حد السوالم ماقلتي سبت الگدران ،ماقلتي وخا بوعرفة كاع اسيدي هانية نديرها ف يد الله ونزطم
هكا ديريكت امستردام!!!امستردام الشريف واش من نيتك !!
قالي لاش فين عندك المشكل ؟
تا راه كروازما تايخرجو منها 10 ديال الطرقان،نسالي مع الديسك كامل ومانسلكش،ونا كانوقف غير فصطوب تاع سويقة عدنا متانعرف لا نشد ليمن ولا ليسر ،حتى نبوشي الطريق ويعاونوني مالين الكرويلات باش نزيد ..ونتفكر دارنا وتا جاي داخل فيا ديريكت امستردام
وقالي سير سير تموت راه عندنا دريات تايديرو انجلترا وتا غا خواف ما شيفور ما والو وقطع عليا
#بغيت غير نعرف واش بصح الدريات كايشدو الطراجي طويل انا راه انا شاداني الرعدة غا هنا فجرادة !!
#منقوول @simò simô